काठमाडौं। रोशनी केसीको प्रस्तुति तथा मोदनाथ खनाल र सागर काजी मालीको निर्माणमा बन्दै गरेको फिल्म जानी नजानी चैत्र १ मा रिलिज हुने भएको छ । फिल्मबाट वसन्त अधिकारीले निर्देशनमा डेब्यू गर्दैछन् ।

सामिप्यराज तिमिल्सेनाको कथा, पटकथा तथा संवाद रहेको फिल्ममा मनिष श्रेष्ठ, सन्नी सिंह, नम्रता श्रेष्ठ, रोशनी केसी लगायतको अभिनय रहेको छ । यसै फिल्म मार्फत पुराना कलाकार तथा निर्देशक विश्व बस्नेतकी छोरी निरिशा बस्नेत फिल्म नगरीमा डेब्यु गर्दैछिन् ।

श्रीधर पौडेलको फोटोग्राफीलाई कलरब्लाइन्डले फस्टलुकको रुप दिएको हो । फिल्मले एकैपटक तीन पोस्टर रिलिज गरेको छ ।