रंगकर्मीको बिषयमा बेला-बेला प्रेम, अफेयर, ब्रेकअप, एक्स्ट्रा मेरिटल अफेयरसम्बन्धी हल्ला चल्नु, फन्डा बन्नु सामान्य जस्तै बनेको छ। तर, कुनै हिरोइन विवाहअघि नै गर्भवती हुन्छिन् भने त्यसलाई चाहिँ फिल्मी–संसारभित्र पनि अलिक फरक कोणबाट हेर्ने गरिन्छ । गर्भनिरोधका लागि अनेक साधनको आविष्कार भएको आजको युगमा पनि कतिपय वलिउड नायिकाहरू विवाहअघि नै प्रेग्नेन्ट भएर चर्चामा आएका थिए ।

१.जिया खान
सन् २०१३ जुन ३ मा भारतको मुम्बईको जुहु स्थित सागर संगित अपार्टमेन्टमा अभिनेत्री जिया खानको शव झुन्डिएर आत्महत्या गरेको अवस्थामा फेला पारिएको थियो । भारतीय अभिनेत्री जिया खानले सुसाइड नोटमा गर्भपात गरेकी लेखेकी थिईन ।

उनले पंखामा झुन्डिएर आत्महत्या गरेकी थिईन । यस मामिलामा जियाका प्रेमी सूरज पञ्चोलीलाई हिरासतमा लिई प्रहरीले गहन अनुसन्धान गरेको थियो । जियाले आफ्नो सुसाइड नोटमा लेखेकी थिईन – आफ्नो बच्चालाई मैले मारिदिए जसको कारण मलाई गहिरो दर्द दिएको थियो ।

२.महिमा चौधरी
‘परदेश’जस्तो सुपर हिट फिल्म दिएकी महिमा चौधरीलाई हिन्दी सिनेमाका दर्शकले पक्कै भुलेका छैनन् । आफूलाई सिनेदुनियाँमा प्रवेश दिलाउने चर्चित निर्माता–निर्देशक सुभाष घईसँग महिमाको सम्बन्ध त्यसबेला पत्रपत्रिकाका लागि निकै रसदार मसला बन्ने गर्दथ्यो ।

घईसँगको सम्बन्धबारे अचाक्ली अफवाह चलेको सहन नसकी महिमाले एकाएक बाबी मुखर्जी आफ्नो ब्वाइफ्रेन्ड भएको र उसैसँग बिहे गर्न लागेको घोषणा गरिन् । तर, यसरी सार्वजनिक अभिव्यक्ति दिएको केही सातामै महिमा सन्तानकी आमा बन्न पुगेकी थिइन् ।

३.नीना गुप्ता
यस्तै अर्की पात्र नीना गुप्ताको कहानीचाहिँ अलिक दुःखदायी छ । सन् ८० को दशकमा भारतीय टेलिभिजनमा अत्यन्त छाएकी अभिनेत्री हुन् नीना । यिनको स्वभाव पनि अत्यन्त बोल्ड प्रकृतिको थियो । तर, त्यसबेला क्रिकेट प्रतियोगितामा सहभागी हुन भारत आएका वेस्टइन्डिजका क्रिकेटर विवियन रिचर्डसँग भेट भएको दोस्रो दिनमै अत्यन्त गहिरो प्रेम बस्न पुगेछ उनको । विवाहित विवियन पनि नीनाको प्रेममा डुबेर केही समय भारतमै बसे । तर, आफूले नीनासँग बिहे गर्न नसक्ने उद्घोष गर्दै उनी आफ्नो मुलुक फर्केपछि नीनाले निकै बदनामी झेल्नुपर्यो । अन्ततः उनी बिहेबिनाकी आमा बन्न विवश भइन् ।

४.प्रत्युषा बनर्जी
भारतीय चर्चित टिभी सिरियल बालिका बधुमा आनन्दीको चर्चित भूमिका निभाएकी अभिनेत्री प्रत्युषा बनर्जीले २४ वर्षको उमेरमा आत्महत्या गरी सनसनी मच्चाएकी थिइन । उनले आत्महत्या गर्नु अघि गर्भपतन गरिएको खुलासा भएको थियो । उनी आफ्नो प्रेमी राहुल राज सिंहबाट गर्भवती भएकी थिइन् ।