काठमाडौं। श्रीलंकाको जाफना प्रायद्विपबाट एउटा डरलाग्दो भिडियो सार्वजनिक भएको छ । यहाँ एक व्यक्ति चङ्गा उडाउँदै गर्दा चङ्गाको डोरमिा झुण्डिएर आकाशमा पुगे । त्यसपछि उनी धेरै बेरसम्म त्यही डोरीमा झुण्डिइरहे । ‘श्रीलंका ट्वीट’ नामको ट्वीटर अकाउन्टमा यो घटनाको भिडियो शेयर गरिएको छ ।

यो घटना चङ्गा उडाउने एक प्रतियोगिताको क्रममा भएको बताइएको छ । श्रीलंकाको मिडिया डेली मिररका अनुसार यी युवक आफ्नो टिमका अन्य सदस्यहरुसँग ठूलो आकारको चङगा उडाइरहेका थिए । यही क्रममा जोडले हावा लागेपछि उनी डोरीमा झुण्डिएर आकाशमा पुगे । उनी हावामा करिब ४० फिट माथि पुगेको बताइएको छ ।

Dramatic video shows a youth swept into the air with a kite in Jaffna area.
The youth was reportedly suffered minor injuries.pic.twitter.com/W0NKrYnTe6 #Kiteman #Kite #LKA #Jaffna #SriLanka

— Sri Lanka Tweet ?? ? (@SriLankaTweet) December 21, 2021

खासमा उनले उडाइरहेको चंगा धेरै ठूलो थियो र त्यसको लागि डोरी पनि बलियो प्रयोग गरिएको थियो । उनी हावामा धेरै माथि पुगेपछि उनका साथीले उनलाई डोरी छोडिदिन भनेका थिए । केही बेरपछि चङका तल आएपछि ती युवकले डोरी छोडिदिए र भुइँमा पछारिए । रिपोर्टका अनुसार उनलाई प्वाइन्ट पेड्रो अस्पतालमा उपचारको लागि लगिएको छ ।