सङ्खुवासभा। जिल्ला अस्पताल सङ्खुवासभामा कार्यरत स्वास्थ्यकर्मीहरुलाई कोरोना सङ्क्रमण देखिएको छ। स्वास्थ्यकर्मीहरुलाई कोरोना देखिएपछि अस्पतालले अत्यावश्यक बाहेकका सबै सेवा बन्द गरिएको छ ।

आजदेखि अत्यावश्यक बाहेकको सेवा बन्द गरिएको सङ्खुवासभा अस्पतालका निमित्त मेडिकल सुपरिन्टेन्डेन्ट डा. योगेन्द्रमणि बस्नेतले बताएका छन् ।

उनका अनुसार आकस्मिक सेवा, प्रसूति सेवा र फिभर क्लिनिक मात्र सञ्चालन हुने अन्य ओपीडी लगायतका सेवाहरु माघ १५ गतेसम्मका लागि बन्द गरिएको जनाएको छ ।

सङ्खुवासभामा काेराेना सङ्क्रमण हुनेकाे सङ्ख्या १२३ पुगेकाे छ।