अभिनेता शाहरुख खान तथा अभिनेत्रीद्वय कट्रिना कैफ र अनुष्का शर्माको मुख्य अभिनय रहेको फिल्म ‘जिरो’को नयाँ गीत सार्वजनिक भएको छ । आउँदो डिसेम्बर २१ मा प्रदर्शनमा आउन लागेको सो फिल्मको ‘हुस्न पञ्चम’बोलको गीत सार्वजनिक गरिएको हो ।

बुधबार सार्वजनिक सो गीतमा कट्रिनाको बोल्ड अवतार देखिएको छ । फिल्ममा हिरोइन बबिता कुमारीको भूमिकामा देखिएकी कट्रिनाको हट डान्स रहेको उक्त गीतमा भूमि त्रिवेदी र राजा कुमारीको स्वर रहेको छ भने इरशाद कामिलको शब्द तथा अजय अतुल संगीत रहेको छ ।

फिल्ममा शाहरुख, अनुष्का र कट्रिनाको मुख्य भूमिका छ भने सलमान खान, काजोल, आलिया भट्ट, दीपिका पादूकोण, करिना कपूर खानलगायत कयौँ फिल्म स्टारको अतिथि भूमिका रहनेछ ।

आनन्द एल राईको निर्देशन रहेको यस फिल्ममा निर्देशक राई तथा गौरी खान र करुना बडवाल निर्माण रहेको छ ।