चर्चित सिङगिङ रियालिटी शो ‘नेपाल आइडल–२’को फाइनल नेपालमै हुने भएको छ । आउँदो पुस ६ गते उक्त शोको फाइनल काठमाडौं अथवा पोखरामध्ये एक ठाउँमा हुने बताइएको छ ।

हाल उक्त प्रतियोगितामा हजारौंको भिँडबाट चार प्रतिपस्र्धी मात्र बाँकी छन् । जसमा पोखराका विक्रम बराल, झापाका सुमित पाठक र अस्मिता अधिकारी तथा धनगढीका रवि ओड बाँकी छन् । जसमध्ये विक्रम र सुमित गोल्डेन माइक विजेता प्रतियोगी हुन् ।

‘नेपाल आइडल’ सिजन–२ का विजेताले २० लाख नगद, एउटा होन्डा डब्लूआर–भी कार, एउटा गीति एल्बमको सम्झौता र वल्र्ड टुर अथवा ५० लाख नगद, एउटा एल्बमको सम्झौता र वल्र्ड टुर मध्ये एक रोज्न पाउने छन् ।