काठमाडौँ । प्रायः सेलीब्रेटीहरु प्रेमसम्बन्ध गोप्य नै राख्न चाहन्छन् । एकआध कलाकार मात्र प्रेम सम्बन्ध सार्वजनिक गर्न आँट जुटाउछन् । धेरैलाई अफयरमा रहेको कुरा बाहिँरिदा क्रेज चौपट हुन्छ भन्ने चिन्ता हुन्छ । नेपालमा प्रियंका कार्की र आयुषमान देशराज जोशी र वर्षा राउट र संजोग कोइराला जस्ता केही जोडी मात्र यो मामलामा उद्धार देखिएका छन् । नभए अधिकाशं अविवाहित सेलिब्रटीहरु आफ्नो प्रेम लुकाउन हरसम्भव कोशिस गर्छन् ।

अहिलेकी सर्वाधिक डिमान्डेड अभिनेत्री साम्राज्ञी राज्य लक्ष्मी शाह लभलाइफलाई मिडियामा ल्याउन नचाहने सेलीक्रेटीको कोटीमा पर्छिन् तर जति गोप्य राखेपनि उनको प्रेम सम्बन्ध लुक्न सकेको छैन । मयंक खड्कासँग प्रेमसम्बन्ध टुंग्याएपछि उनी अहिले नेपाल उद्योग वाणिज्य संघकी अध्यक्ष भवानी राणाका छोरा देवांशु जंग बहादुर राणाको प्रेममा छिन् । केही दिन अगाडि प्रेमीको घरमा उनले आफ्नो जन्मदिन समेत मनाएकी थिइन् । पूर्व प्रेमी मयंकसँग सार्वजनिक कार्यक्रममा पुगेपनि उनी मिडियाबाट सकेसम्म लुक्ने प्रयास गर्छिन् ।

मङ्गलबार फिल्म मारुनीको घोषणा सभामा पनि साम्राज्ञी नयाँ प्रमी देवांशुुसँग एकसाथ मिडियामा आउन चाहिनन् । प्रेमीको र्फोस कम्पनिको गाडिको अघिल्लो सिटमा बसेरै कार्यक्रममा पुगेकी थिइन् उनी । हलको पछाडिको भागबाट उनीहरु लुसुक्क प्रवेश गरेका थिए त्यसपछि साम्राज्ञी मेकअप र पहिरन परिवर्तनमा व्यस्त भइन् । देवांश भने कार्यक्रम हलमा आएर उनको प्रतिक्षा गरेर बसे । उनी कहिले पानीको चुस्की लगाउँथे त कहिले मोबाइल खेलाउनमा व्यस्त देखिन्थे । अरु कसैसँग चिनजान नभएका कारण उनलाई प्राय एक्लै देखिएको थियो ।

थप जानकारीको लागि ९७७ म्यागले तयार पारेको यो भिडियो रिपोर्ट हेर्नुहोस् ।