चर्चित डान्सिङ ग्रुप भिमफेदी गाइजको धमाकेदार नृत्य रहेको म्युजिक भिडियो सार्वजनिक भएको छ । भिमफेदी गाइज र मोडल सृष्टि खड्का फिचर म्युजिक भिडियो ‘लाल्टिंग बालेर’ बोलको गीत सार्वजनिक भएको हो ।

गीतमा अम्बिका गुरुङको शब्द, कोशिस क्षेत्रीको संगीत रहेको गीतमा लेखु सहयात्री र बबिना किरातीको स्वर सुन्न सकिन्छ । अम्बिका लामो समयदेखि गीत लेखनमा निकै सक्रिय छिन् ।

रोमान्टिक शैलीको गीतको म्युजिक भिडियोसमेत उतिकै उत्कृष्ट बनेको छ । निसान कस्यप घिमिरेले निर्देशन गरेको भिडियोलाई कमेडी रोमान्टिक शैलीमा तयार पारिएको छ । फर्पिंगमा खिचिएको म्युजिक भिडियोलाइ उत्सव दाहालले खिचेका हुन् ।

भिडियोमा सन्तोष लामाको मेकअफ, भिमफेदी गाइजको कोरियोग्राफी र विकाश दाहालको सम्पादन देख्न सकिन्छ ।