कैलाली । धनगढीमा सर्वाधिक धनराशिको प्रथम मुख्यमन्त्री विवाइसी महिला गोल्डकप हुने भएको छ । ‘खेलकुदको विकास नै उन्नत समाज र देशको विकास हो’ भन्ने मूल नारासहित वनदेवी युवा क्लब तेघरीको आयोजनामा आगामी वैशाख ३ गतेदेखि १० गतेसम्म प्रथम मुख्यमन्त्री विवाईसी महिला गोल्डकपको आयोजना हुने भएको हो ।

सुदूरपश्चिम प्रदेश खेलकुद परिषद् मुख्य प्रवद्र्धक रहेको प्रतियोगितामा आठ टीमको सहभागिता रहने प्रतियोगिताका संयोजक दुर्गा अधिकारीले जानकारी दिनुभयो । प्रतियोगिताको विजेताले नगद रु पाँच लाख तथा उपविजेताले नगद रु दुई लाख ५० हजार प्राप्त गर्ने छ ।

प्रतियोगिताका प्रत्येक खेलका ‘प्लेयर अफ द म्याच’ लाई नगद रु पाँच हजार तथा विभिन्न विधाका उत्कृष्ट खेलाडीहरुलाई नगद रु १० हजार दिइनेछ । उत्कृष्ट खेलाडीलाई नगद रु ५० हजार दिइनेछ । प्रतियोगिता सञ्चालन गर्नका लागि करिब रु एक करोड खर्च लाग्ने बताइएको छ ।