काठमाण्डौ । चर्चित युवा जोतिष हरिहर अधिकारी अभिनित चलचित्र ‘शुभ लभ’को पोष्टर सार्वजनिक भएको छ । फस्टलुकमा यसका मुख्य कलाकार हरिहर अधिकारी र नव–नायिका कृष्टिन पौडेललाई देखाइएको छ ।

ज्योतिष पेशामा निकै ठूलो सफलता प्राप्त गरिरहेका हरिहरले यसै चलचित्रबाट डेब्यू गर्दैछन् । नायिका कृष्टिनको पनि यो डेब्यु चलचित्रनै हो । चलचित्रमा हरिहर, कृष्टिना, सूर्या थापा, सरोज खनाल, राजाराम पौडेल, राजा राजेन्द्र, रविन्द्र झा, प्रदिप बास्तोला, अनुज पाण्डे लगायतका कलाकारको मुख्य भूमिका छ ।

चलचित्रमा हरिहर अधिकारीकै कथा रहेको छ भने सन्तोष बाबु लोहनीले निर्देशन तथा धर्मराज शर्माको लगानी छ ।

चलचित्र आउँदो चैत १५ गतेबाट प्रदर्शन हुने छ ।