नायिका प्रियंका कार्की र नायक आयुष्मान देशराज जोशीको फिल्म ‘प्रेम दिवस’ को प्रदर्शन मिति घोषणा गरिएको छ । यी दुईबीचको फिल्म आउँदो नयाँ वर्षमा प्रदर्शनमा आउने भएको छ ।

यसअघि यो फिल्म चैतको दोश्रो साता प्रदर्शन गरिने बताइएको थियो । तर, अब भने वैशाख १२ गतेदेखि प्रदर्शन हुने भएको छ । यस फिल्ममा प्रियंका र आयुष्मान बाहेक विशाल खरेलको पनि मुख्य भूमिका रहेको छ । यी जोडी अभिनित यो तेस्रो चलचित्र हो । यसअघि प्रियंका र आयुष्मानले ‘कथा काठमाण्डू’ र चङ्गा चेट’मा संगै काम गरेका छन् ।

सञ्जय न्यौपानको निर्माणमा बनेको यस चलचित्रलाई योगेश घिमिरेले निर्देशन गर्दैछन् । यस फिल्म म्युजिकल लभस्टोरी कथामा निर्माण भएको छ ।

यस्तै फिल्ममा कथा, पटकथा तथा संवाद प्रदीप भारद्धाजको रहेको छ भने बसन्त सापकोटा, करण सिंह कार्की, दीपक शर्मा र महाराज थापाको संगीत रहेको छ ।