काठमाडौँ । कमेडी फिल्म ‘न यता न उता’को ट्रेलर सार्वजनिक गरिएको छ । बुधबार काठमाडौंमा एक कार्यक्रमको आयोजना गर्दै चलचित्रको ट्रेलर सार्वजनिक गरिएको हो ।

मिराज रोश र विशारद बस्नेतको संयूक्त निर्देशन रहेको फिल्ममा राजाराम पौडेल, ऋचा शर्मा, समिर दिक्षित, छुल्ठिम गुरुङ्ग, मिराज रोश, बुद्धि तामाङ, रविन्द्र झा, सिल्सा जिरेल, नम्रता सापकोटालगायतको मुख्य अभिनय रहेको छ ।दुई जना अर्धवैशे पुरुषहरुको जीवनमा आइपरेको संकटलाई हास्य रुपमा दर्शाइएको निर्देशक मध्येका एक विशारदले बताए ।

सबै उमेरका दर्शकलाई फिल्मले दुई घन्टा भरपूर मनोरञ्जन दिने उनको दाबी छ । यो माघ २५ गते प्रदर्शनमा आउने फिल्म हो ।फिल्ममा ओम गुरुङ र रिना लामा कार्यकारी निर्मातामा छन् । चलचित्रमा समावेश गीतमा मिलन जलन र राजन इशानको संगीत रहेको छ । गीतमा राजन इशान, मिलन अमात्य, राजनराज सिवाकोटी र रमिना सिंहको स्वर सुन्न सकिन्छ । चलचित्रमा समावेश गीतको भिडियोको कोरियोग्राफी विक्रम स्वारले गरेका हुन् ।