पोखरा । दि भ्वाइस अफ नेपालका विजेता सिडी विजय अधिकारीले ‘नेपाल आइडल’ का प्रतिस्पर्धी विक्रम बराललाई ५० हजार रुपैया सहयोग गर्दै भोटका लागि समेत आग्रह गरेका छन् । नेपाल आइडल दोस्रो संस्करणका अन्तिम प्रतिस्पर्धी बराल पोखराका बासीन्दा हुन् ‘दि भ्वाइस अफ नेपाल’ का विजेता अधिकारी पनि पोखराकै भएकाले आफ्नो जन्मथलोका प्रतिस्पर्धीलाई सहयोग गरेको उनको भनाई छ ।

उनले आफ्ना जन्मथलोका स्थानिय बराललाई भोट दिएर जिताउन समेत अफि गरेका छन् । उनी समर्थकलाई भोट गरि जिताउन आग्रह गर्न पोखरा नै पुगेका छन् । अधिकारीले नेपालको अर्को गायन रियालिटी शो‘नेपाल आईडल’का अन्तिम प्रतिस्पर्धी बराललाई जिताउ सहयोग गरेको बताएका छन्। उनले वराललाई भोट गर्ने प्रशंसकलाई समेत धन्यवाद दिएका छन् ।

अधिकारीले बुधबार बिक्रम बराल जिताउ अभियान समितिले आयोजना गरेको पत्रकार सम्मेलनमा सहभागी भएर भोट मागेका हुन्। उनीहरु पोखराका स्थानिय मात्र होइनन् दुवै जना एउटै विद्यालयका विद्यार्थी समेत हुन् । उनीहरुको संयोग त्यतिमै मात्र सिमित छैन संगीत पनि एकै ठाउँमा सिकेको बताए । उनले ति दिन सम्झदै बराल राम्रो प्रतिभा भएको बताए।

नेपाल आइडलको फाइनल शुक्रबार हुदैंछ। फाइनल प्रतिस्पर्धा काठमाडौंको पुलचोकस्थित इन्जिनियरिङ क्याम्पसको चौरमा हुने आयोजकले जनाएको छ कार्यक्रममा विक्रम बराल जिताउ अभियान समितिले सिडीलाई सम्मान गरेको छ।