काडमाडौं । ‘न यता न उता’ चलचित्रको ट्रेलर सार्वजनिक भएको छ । केही दिनअघि पत्रकार सम्मेलनको आयोजना गरी फिल्म युनिटले ‘न यता न उता’को ट्रेलर सार्वजनिक गरेको हो ।

सञ्चारकर्मीसँग सिनेमाबारे बोल्दै फिल्मका कलाकारहरूले आफूहरूले धेरै मिहिनेत गरेको हुनाले फिल्म राम्रो बनेको बताए । दर्शकले फिल्म मन पराइदिनेमा आफूहरू विश्वस्त रहेको उनीहरूको भनाइ छ ।

फिल्ममा ऋचा शर्मा, छुल्ठिम गुरुङ, बुद्धि तामाङ, मिराज रोश, नम्रता सापकोटा, जीवन भट्टराई, राजाराम पौडेल, भीमा मैनाली, राजन खतिवडा, कमलमणि नेपाल, लुनिभा तुलाधर, रवीन्द्र झालगायत कलाकारको अभिनय छ ।

मिराज रासको लेखन तथा निर्देशन रहेको चलचित्रमा लगानी भने रिना लामाको रहेको छ । फिल्म २५ माघमा रिलिज हुँदै छ ।

हेर्नुहोस् ट्रेलर: