काठमाडौं । लौकाको जुस हरेक मौसममा फाइदाजनक मानिन्छ तर विशेषगरी गर्मीमा यसको महत्व बढ्छ । स्वास्थ्यका लागि निकै महत्वपूर्ण मानिने यस तरकारीमा भिटामिन बी, भिटामिन सी, फाइबर, पोटासियम र आइरन प्रचुर मात्रामा पाइन्छ । तर यो जुस पिउने सबैभन्दा राम्रो समय कुन हो र कति मात्रामा सेवन गर्नुपर्छ भन्ने कुरामा ध्यान दिनु जरुरी हुन्छ ।

यो समयमा पिउनुहोस् लौकाको जुस:
लौकाको जुस पिउने सबैभन्दा राम्रो समय बिहान सबेरै हो। यदि तपाईले निद्राबाट उठेर खाली पेटमा यो जुस पिउनुभयो भने तपाईको स्वास्थ्यमा निकै फाइदा हुन्छ । यसले दिनभर ऊर्जा दिनेछ । गर्मी मौसममा लौकाको जुसको धेरै महत्त्वपूर्ण मानिन्छ। लौकाको जुस पिउनाले शरीरलाई डिटक्सिफाई गर्छ अर्थात् शरीरबाट सबै प्रकारका विषाक्त पदार्थ बाहिर निस्कन्छ ।

लौकाको जुस कति पिउने ?
स्वास्थ्यलाई फाइदाको लागि बोतल लौकाको जुस अवश्य पिउनुहोस्। तर थाहा पाउनु पर्ने हुन्छ की यो जुस कति मात्रामा पिउने भन्ने कुरा । स्वास्थ्य विज्ञहरुका अनुसार एक गिलास लौकाको जुस पिउनु नै पर्याप्त हुने बताउँछन् ।

लौकाको जुस पिउनुका फाइदाहरु
लौकाको जुस हाम्रो शरीरका लागि धेरै किसिमले फाइदाजनक हुन्छ । यसका कारण पाचन क्रिया ठीक रहन्छ, जसका कारण पेटको समस्या हुँदैन । यसको नियमित सेवनले खराब कोलेस्ट्रोलको स्तर घटाउँछ। जसले मधुमेह र हृदयाघातको जोखिमलाई हटाउँछ। उच्च रक्तचापका बिरामीका लागि लौकी कुनै औषधिभन्दा कम होइन । यसका साथै यो जुसले रोग प्रतिरोधात्मक क्षमता बढाउँछ र बढ्दो तौललाई नियन्त्रण गर्छ ।