काठमाडौं। बलियो फ्रान्स र पोल्यान्ड भलिबल नेस्नल लिग (भिएनएल) को सेमिफाइनलमा प्रवेश गरेका छन्। बिहिवार राति भएको क्वाटरफाइनलमा फ्रान्सले जापानलाई सोझो सेटमा पराजित गर्‍याे।

सहज जित निकाल्ने क्रममा फ्रान्सले जापानलाई २६-२४, २५-१६ र २५-२० ले पराजित गरेकाे हाे। यता, पोल्यान्डले इरानलाई प्रतिस्पर्धात्मक खेलमा ३-२ को सेटले पराजित गरेेकाे छ।

२५-२१ ले पहिलो सेट जितेको पोल्यान्ड दोस्रो सेट इरानलाई २४-२६ ले सुम्पियो। तेस्रो सेट पुनः पोल्यान्डले २५-१८ ले जित्यो। चौथो सेटमा इरानले पुनरागमन गर्दै १६-२५ ले जित्यो। अन्तिम तथा निर्णायक सेटमा पोल्यान्ड १५-७ ले विजयी भयो। अब, फाइनल प्रवेशका लागि पोल्यान्डले अमेरिकासंग खेल्नेछ।