काठमाडौं । एशिया कप २०२२ को सिजनबाट बाहिरिएपछि अफगानिस्तान क्रिकेट टोली अहिले अर्को समस्यामा फसेको छ। लन्डनको हिथ्रो एयरपोर्टमा टिमले कठिनाइको सामना गर्नुपरेको थियो । खेलाडी अध्यागमनका लागि करिब ४ घण्टा लाइनमा बस्नुपरेको थियो ।

यो जानकारी अफगानिस्तान टोलीका स्टार खेलाडी राशिद खानले सामाजिक सञ्जालमार्फत दिएका हुन् । अध्यागमन डेस्कमा कर्मचारी कम भएकाले सबैजना घन्टौं लाइनमा बस्नु परेको उनले बताए । यस क्रममा उनीहरूले निकै समस्याको सामना गर्नुपरेको थियो । राशिदले हिथ्रो विमानस्थल प्राधिकरणलाई कर्मचारी बढाउन पनि आग्रह गरेका छन् ।

राशिद खानले ट्वीट गरेका छन्, ‘हामी सबै (अफगानिस्तानको टोली) पछिल्लो ४ घण्टादेखि लाइनमा छौं । दुईवटा एयरलाइन्सका लागि अध्यागमन डेस्कमा दुई जना मात्र (कर्मचारी) छन्। हिथ्रो कृपया कर्मचारी वृद्धि गर्नुहोस्। हामी सबै अहिले आधा बाटोमा अड्किएका छौं। यससँगै राशिदले आफ्नो ट्वीटमा एमिरेट्स एयरलाइन्सलाई हिथ्रो एयरपोर्ट अथोरिटीसँग पनि ट्याग गरेका छन् ।

We have all been queuing for the last 4 hours. Only two person at the immigration desk for 2 airlines! Heathrow plz allocate more staff! We are still only half way! @HeathrowAirport

— Rashid Khan (@rashidkhan_19) September 9, 2022

अफगानिस्तान क्रिकेट टिमले एशिया कप २०२२ को सिजनमा धमाका मच्चाएको थियो । उसले समूह चरणमा श्रीलंका र बंगलादेशलाई पराजित गरेको थियो । योसँगै सुपर–४ चरणमा छनोट हुने पहिलो टोली पनि बनेको थियो ।

तर सुपर–४ चरणमा अफगानिस्तान टोलीको अवस्था नाजुक हुँदै गयो र तीन खेलमा कुनै पनि खेल जित्न सकेन । धमाकेदार सुरुवात गरेको अफगानिस्तानको टोली एसिया कपको सुपर–४ को फाइनलको दौडबाट बाहिरिने पहिलो टोली पनि बनेको थियो । अफगानिस्तानले एसिया कपमा आफ्नो अन्तिम खेल भारतीय टोलीसँग खेलेको थियो, जसमा उसलाई १०१ रनले पराजित गरेको थियो।

यस पटक एसिया कप श्रीलंकाको आयोजनामा ​​युएईमा भएको थियो । पाकिस्तान र श्रीलंकाबीचको फाइनल खेल सेप्टेम्बर ११ मा हुनेछ । दुबईमा जारी एसिया कपमा अफगानिस्तानले आफ्नो अन्तिम खेल खेलेको छ । त्यसपछि टोली लण्डन हुँदै स्वदेश फर्कँदै थियो । यसैबीच, टोलीलाई लन्डनको हिथ्रो एयरपोर्टमा अध्यागमन आवश्यक थियो। यसका लागि खेलाडीले धेरै समस्या झेल्नुपरेको थियो ।