काठमाडौँ । गायक सरोज गौतमको आधुनिक गीत’तिम्रै तस्बिर’ सार्वजनिक भएको छ । बुढा सुब्बा डिजिटल प्रा लि युटुब च्यानलबाट आज मंगलबार उक्त गित सार्वजनिक भएको हो । करिब आधा दर्जन गीतमा आफ्नो सुमधुर आवाज भरिसकेका गायक सरोजले प्रत्येक अङ्ग्रेजी नयाँ वर्षमा नयाँ गीतको म्युजिक भिडियो नेपाली साङ्गीतिक बजारमा सार्वजनिक गर्ने गरेका छन् ।

विपिन आचार्यको शब्द तथा सङ्गीत रहेको यस गीतमा गायक सरोज गौतमको सुमधुर आवाज रहेको छ । मुकेश हुमागाईंले छायाङ्कन गरेको यस म्युजिक भिडियोलाई शिशिर श्रेष्ठले निर्देशन गरेका छन् । गायक तथा मोडल सरोज गौतम र स्मिर्ती श्रेष्ठको अभिनय रहेको यस म्युजिक भिडियोलाई निर्माता कुमार कटवालले निर्माण गरेका हुन । हेर्नुस् भिडियो