काठमाडौं । अन्तर्राष्ट्रिय क्रिकेट काउन्सिलले आज पाकिस्तानका मोहम्मद रिजवानलाई आईसीसीको सेप्टेम्बर २०२२ को महिनाको उत्कृष्ट खेलाडी घोषित गरेको छ।

यस दौडमा भारतीय अलराउन्डर अक्षर पटेल र अष्ट्रेलियाका क्यामरुन ग्रीन पनि सहभागी थिए । मोहम्मद रिजवान आईसीसी टी–२० ब्याटिङ वरियतामा पनि नम्बर एकमा छन् ।

‘प्लेयर अफ द मन्थ’ छनोट भएपछि मोहम्मद रिजवानले भने, “म अल्लाहलाई धन्यवाद दिन चाहन्छु। साथै ती सबै मानिसहरूलाई खुशी व्यक्त गर्दछु जसको सहयोगमा मैले यो अवार्ड जित्न सफल भएको छु।”

उनले यस्ता अवार्डले आत्मविश्वास बढाउने काम गर्ने बताए । मोहम्मद रिजवानले भने, “म यो पुरस्कार पाकिस्तानमा बाढी र जलवायु परिवर्तनबाट प्रभावित मानिसहरूलाई समर्पित गर्न चाहन्छु। आशा छ कि यसले उनीहरूको अनुहारमा मुस्कान ल्याउनेछ।”