काठमाडौँ। कवि कवीन्द्र सिटौलाको ‘न्याय रोए पछि’ कविता संग्रह प्रकाशित भएको छ।  उनको कवितमा देशप्रेम, राष्ट्रभक्त नेपालीहरूको बारेमा र २०४६ (१९९०) सालको जनआन्दोलका विविध पक्षहरुलाई समेटिएको छ। कवितामा कवि सिटौलाले  देशप्रति निकै नै चिन्तत बनेको पाइएको छ।

कविताको अन्तिम तिर, पहिलो खेस्रा लेखिरहेको बेलामा ‘सहिदका आँखाबाट बलिन्ध्र धारा आशु बगे’ भन्ने हरफ लेख्दा उनको आँखाबाट पनि आँशु बगेको उनले बताए।  कविता लेख्ने क्रममा आफु बिगतको समय पुगेको र त्यहि समयलाई लिएर कविताको रचना भएको उनले बताए।

कवितमा उनले जनआन्दोलका क्रममा भएका विविध घटनावस्तुलाई समेटिएको पाइन्छ। जनआन्दोलनको क्रममा स्वतन्त्रताको लागि नेपालीहरूसँग एकताबद्ध भएर-नयाँ परिवर्तनका लागि-निस्वार्थ भावले उनी पनि लडेको उनले बताए।