काठमाडौं । केही वर्षअघि एक मोडलले आफ्नो बेडरूमको गोप्य कुरा फ्यानसँग सेयर गरेकी थिइन् । अब उनले मिस हङकङ २०२२ को उपाधि जितेकी छिन् । तर उनको पुराना कुराले उनको साथ छोडेको छैन।

मिस हङकङ २०२२ को उपाधि जितेकी यी मोडलको नाम हो डेनिस लाम । उनी २७ वर्षकी भइन् । वास्तवमा सन् २०२० मा मोडलले एक अन्तर्वार्तामा आफूसँग पाँच यौन पार्टनर रहेको बताएकी थिइन् ।

उनका बुबा विल्सन लाम हङकङका चर्चित अभिनेता हुन्। सौन्दर्य प्रतियोगिता जितेपछि डेनिसले भनिन्– ‘मैले जितेको छु भनेर विश्वास गर्न सक्दिन किनभने मलाई मेरो प्रदर्शन राम्रो नभएको महसुस भयो ।’

तर, यी सबैको बीचमा डेनिस लामको पुरानो अन्तर्वार्ता चर्चामा छ । सन् २०२० मा उनले आफ्नो सेक्स लाइफको बारेमा खुलेर कुरा गरेकी थिइन् । त्यसपछि डेनिसले आफूसँग ५ सेक्स पार्टनर रहेको बताइन् । मोडलले विशेष उल्लेख गरिन् कि उनी वृश्चिक राशिका पुरुषसँग रोमान्स गर्न मन पराउँछिन्।

होरोस्कोप शो अब्राकाडाब्रामा डेनिस लामले वृश्चिक राशिका पार्टनरका बारेमा भनेकी छन्– त्यो व्यक्ति अग्लो र सुन्दर देखिने मात्र होइन, रोमान्समा पनि निकै राम्रो हुन्छ । यदि तपाइँ वृश्चिक राशिको साथ सम्बन्धमा हुनुहुन्छ भने, तपाइँलाई धेरै शारीरिक बल चाहिन्छ।

यो अन्तर्वार्ताका कारण जनताको मनमा डेनिसको फरक छवि बनेको थियो । मिस हङकङ २०२२ जितेपछि मानिसहरूले उनलाई ‘सेक्सी मिस हङकङ’को उपाधि दिन थालेका थिए। प्रतियोगिता जितेपछि डेनिसलाई उनले उक्त अन्तर्वार्तामा भनेका कुराहरूबारे पनि प्रश्न गरिएको थियो।

स्थानीय मिडिया रिपोर्टहरूले भने कि जब डेनिसलाई सोधिएको थियो कि उनले त्यो अन्तर्वार्तामा के भनेकी थिइन, उनले भनिन् कि उनले ती कुराहरू उनी २५ वर्षको हुँदा भनेकी हुन्। ब्यूटी क्वीनले थपिन् कि उनी अगाडि शब्द र कार्यमा बढी ध्यान दिनेछिन्।