काठमाडौं । पाकिस्तान टि–२० विश्वकप क्रिकेटको फाइनलमा प्रवेश गरेको छ । आज भएको पहिलो सेमिफाइनलमा न्यूजिल्याण्डलाई ७ विकेटले पराजित गर्दै पाकिस्तानले फाइनलमा स्थान पक्का गरेको हो ।

सिड्नीको मैदानमा टस जितेर पहिले ब्याटिङ गरेको न्यूजिल्याण्डले दिएको १५३ रनको लक्ष्य ५ बल बाँकी छँदै ३ विकेटको क्षतिमा पूरा गर्दै पाकिस्तान फाइनल पुगेको हो । फाइनलमा पाकिस्तानले भोलि भारत र इङल्याण्डबीच हुने हुने दोस्रो सेमिफाइनलको विजेतासँग उपाधिको लागि खेल्नेछ । फाइनल आइतबार नेपाली समयअनुसार पौने २ बजे मेलबर्नमा हुनेछ ।