काठमाडौं । नेपालले साफ यू–१५ महिला च्याम्पियनसिपको उपाधि जितेको छ ।

गोलकिपर सुजाता तामाङले पेनाल्टी बचाउँ गरेपछि नेपालले यू–१५ महिला च्याम्पियनसिपको उपाधि जितेको हो ।

डवल राउण्ड रोविन प्रणालीमा सन्चालन भएकाे प्रतियोगिताको अन्तिम खेलमा शुक्रबार बंगलादेशसँग १–१ गोलको बराबरी खेल्दै नेपाल च्याम्पियन बनेको हो ।

नेपाल १० अंक जोडेर शीर्ष स्थानमा रहँदै च्याम्पियन बनेको छ । अाजकाे फाइनल खेलमा नेपाललाई उपाधिका लागि बराबरी मात्र चाहिएकाे थियाे भने बंगलादेशका लागि जित आवश्यक थियो । खेल १–१ को बराबरीमा रहेका बेला बंगलादेशले अन्तिम समयमा पेनाल्टी पाएको थियो । तर, नेपाली गोलकिपर सुजाता बचाउँ गर्दा नेपालले राेमान्चक जित निकालेकाे हाे ।