काठमाडौं । कतारमा हुने विश्वकप फुटबलको खेलमा आठ रंगशालामा मदिरा बिक्री नगरिने भएको छ । फिफाले विश्वकप फुटबल सुरु हुनु दुई दिनअघि नै आफ्नो नीति परिवर्तन गरेको थियो, त्यसपछि कतारमा यस्तो निर्णय गरेको हो ।

मुस्लिम बाहुल्य देश कतारले मदिरा बिक्रीलाई नियन्त्रण गर्ने कडा कानुनको बाबजुद विश्वकप खेलका क्रममा स्टेडियमको तोकिएको क्षेत्रमा रक्सी पिउन अनुमति दिएको छ ।

तर, स्टेडियमभित्रको कर्पोरेट क्षेत्रमा अझै पनि मदिरा पिउन अनुमति दिइएको छैन । आइतबार कतार र इक्वेडरबीचको खेलबाट फिफा विश्वकप सुरु हुँदैछ ।

फिफाको प्रायोजक बुडवेजरलाई विश्वकपको समयमा बियर बेच्ने विशेष अधिकार दिइएको थियो।

यस निर्णयपछि फिफाले जारी गरेको विज्ञप्तिमा यो निर्णयले बड जिरोको बिक्रीमा कुनै असर नपर्ने र विश्वकपका खेलहरूमा उपलब्ध गराउन जारी रहने जनाएको छ ।