काठमाडौं । एक महिला प्रहरी अफिसरले आफ्नो सुन्दरताका कारण सामाजिक सञ्जालमा अनौठो टिप्पणीको सामना गरिरहेकी छिन् । उनले आफैंले एक भिडियोमा यो दाबी गरेकी छिन् । धेरैले आफूलाई उनले पक्राउ गर्ने इच्छा समेत व्यक्त गरेको महिलाले बताइन् । कतिपयले उनी प्रहरीमा भएकोमा शंका गरेका छन् ।

यी महिला पुलिस अफिसरको नाम किम्बर्ली कभरडिल हो। उनी अमेरिकाको एरिजोना राज्यमा प्रहरी नायव उपरीक्षकको रुपमा कार्यरत छन् । उनले हालै टिकटक मा एउटा भिडियो सेयर गरेकी छिन् ।

किम्बर्लीले यस भिडियोमा दाबी गरेकी छिन् कि जब उनले अफ ड्युटीमा विभिन्न पोशाकमा आफ्ना फोटो र भिडियो शेयर गर्छिन्, तब मानिसहरूले उनीमाथि विभिन्न टिप्पणी गर्छन्। उनको एउटा भिडियो ४० लाखभन्दा बढी पटक हेरिएको छ ।

महिला प्रहरी अधिकारीले भिडियोमा कमेन्ट गरेर कतिपयले उनले आफूलाई पक्राउ गरुन् भन्ने इच्छा व्यक्त गरेका छन् भने कसैले उनको सुन्दरताको तारिफ गरेका छन् । जबकि त्यहाँ धेरै छन् जसले उनी प्रहरीमा छिन् भनेर पत्याउन अस्वीकार गर्छन्। एक प्रयोगकर्ताले भने- ‘तपाई किम्बर्ली पुलिस फोर्समा काम गर्न धेरै आकर्षक हुनुहुन्छ। कृपया मलाई पक्राउ गर्नुहोस्।’

यस्तो अवस्थामा अब किम्बर्ली कभरडिलले प्रयोगकर्तालाई जवाफ दिएकी छिन् । पोसाक लगाएको आफ्नो तस्बिर सेयर गर्दै उनले आफूलाई सुरुदेखि नै प्रहरी बन्ने इच्छा रहेको बताइन् । उनले भनिन् ‘मैले मेरो हजुरबुवालाई उहाँको मृत्यु अघि म पुलिस अफिसर बन्ने वाचा गरेकी थिएँ।’

डेली स्टारका अनुसार किम्बर्ली गत वर्षको जुनमा प्रहरी विभागमा डेपुटीको रूपमा सामेल भएकी थिइन् । हाल उनी पश्चिम एरिजोनामा कार्यरत छन्। सामाजिक सञ्जालमा उनका धेरै तस्विरहरु आएका छन्, जसमा उनी ग्ल्यामरस लुकमा देखिएकी छिन् ।