काठमाडौं। नेदरल्याण्ड्स र सेनेगल कतारमा जारी विश्वकप फुटबलको अन्तिम १६ मा प्रवेश गरेका छन्। मंगलबार राति भएको समूह ए को खेलपछि नेदरल्याण्ड्स र सेनेगल अन्तिम १६ मा पुगेका हुन्।

अन्तिम खेलमा नेदरल्याण्ड्सले आयोजक कतारलाई २-० ले हरायो भने सेनेगलले इक्वेडरलाई २–१ ले पराजित गर्‍याे। यो खेलसँगै नेदरल्याण्ड्स ७ अंकसहित समूहको विजेता बन्दै नकआउट चरणमा पुगेको हो । त्यस्तै सेनेगल ६ अंकसहित समूह उपविजेताका रुपमा नकआउट चरणमा पुगेको हो।

इक्वेडर ४ अंकसहित तेस्रो स्थानमा रहेर कतार विश्वकपबाट बाहिरिएको छ। आयोजक कतार भने अंकविहीन रहँदै विश्वकपको पहिलो सहभागीतालाई बिट मारेको छ।