नेपालमा युवहरुले एकदमै रुचाएको उपन्यास समर लभ लाई अब छिट्टै फिल्ममा देख्न पाइने भइएको छ । अतित र सायाको त्यो रोमान्टिक लभस्टोरी अब आउने भ्यालेन्टाइनबाट देशभरीका सिनेमामा प्रदशन हुने भएको छ । उक्त फिल्मको ट्रेलर भने सार्वजनिक भएको छ ।

ट्रेलरमा चलचित्रका मुख्य कलाकार आशिष पिया, रेवती क्षेत्री, नम्रता सापकोटा, शिसिर भण्डारी, सरोज खनाल आदि सबैलाई देखाइएको छ । आउँदो माघ २५ गतेबाट रिलिज हुने सो चलचित्र लेखक सुविन भट्टराईको उपन्यास ‘समर लभ’मा आधारित भएर निर्माण भएको हो ।

यस चलचित्रमा नायिका रेवती प्रमुख भूमिका अर्थात् ‘साया’को भूमिकामा छिन् भने ‘अतित’ को भूमिकामा आशिष पिया रहका छन् । साया र अतीतको प्रेम तथा तड्पाईको कथामा आधारित फिल्ममा सुस्मिताको भूमिका नायिका नम्रता सापकोटा, किरणको भूमिकामा शिशिर भण्डारी, प्रतिक्षाको भूमिकामा अभिषा खनाल, अनुको भूमिकामा इन्दू भण्डारी र विद्याको भूमिकामा पूर्णिमा थापाले निर्वाह गरेका छन् ।

यस चलचित्रका निर्देशक मुस्कान ढकाल हुन् । नेपाल र नर्वेमा छायांकन भएको यस फिल्म नाइटिंगेल इन्टरटेनमेन्टको ब्यानरमा तयार भएको हो । फिल्ममा सामीप्यराज तिमल्सेनाको पटकथा रहेको छ भने पुष्पन प्रधानको संगीत र फिल्मको संवाद भने लेखक सुबिन र सामीप्यले संयुक्त रूपमा तयार पारेका हुन् ।सपन सरकार, ईन्दु भण्डारी र मनु बिकको संयुक्त लगानीमा तयार भएको फिल्मका कार्यकारी निर्माता विनोद अधिकारी हुन् ।