काठमाडौं । इंग्ल्याण्डका कप्तान बेन स्टोक्सले टेस्ट क्रिकेटलाई पर्याप्त महत्व नदिइएको भन्दै अन्तर्राष्ट्रिय क्रिकेट काउन्सिलप्रति असन्तुष्टि व्यक्त गरेका छन् ।

हालै पाकिस्तानलाई टेष्ट सिरिजमा ३–० ले पराजित गरेका बेन स्टोक्सले बीबीसीको एक कार्यक्रममा पूर्व क्रिकेटर इयान बोथमसँगको कुराकानीमा यस्तो बताएका हुन् ।

उनले भने, ‘मलाई टेष्ट क्रिकेटको कुरा गर्ने तरिका मन पर्दैन । नयाँ ढाँचा र फ्रेन्चाइज क्रिकेटका कारण फ्यानहरूको ध्यान यसबाट हट्दै गएको छ । हामी विश्वास गर्छौं कि टेस्ट क्रिकेट बाहिरका खेलाडीहरूका लागि धेरै अवसरहरू छन्। तर यो मेरो लागि धेरै विशेष छ।

यस कुराकानीमा, स्टोक्सले आईसीसीलाई टेस्ट क्रिकेटमा मानिसहरूको रुचि बढाउन केही फरक कदम चाल्न आग्रह गरे। उनले भने, “मलाई टेस्ट क्रिकेट खेल्न मन पर्छ र मलाई लाग्छ कि हामी केहि फरक कदम चाल्न सक्छौं।”

यसै क्रममा इयान बोथमले फ्रेन्चाइजी क्रिकेट राम्रो विचार भए पनि घरेलु लिग र टेस्ट म्याचबीच सन्तुलन हुनुपर्ने बताए । उनले भने, ‘टेस्ट म्याचलाई ‘टेस्ट म्याच’ भन्नुको खास कारण छ । यसले कुनै पनि खेलाडीको क्षमता परीक्षण गर्छ।