झापा । चर्चित अभिनेता रणवीर सिंह तथा अभिनेत्री आलिया भट्टले एकसाथ अभिनय गरेको पहिलो फिल्म ‘गल्ली ब्वाई’को ट्रेलर सार्वजनिक भएको छ । बुधबार सार्वजनिक भएको सो ट्रेलरमा रणवीर एक र्यापर ब्वाइको भूमिकामा छन् ।

यसअघि रणवीर र आलिया विज्ञापनहरुमा मात्र एकसाथ देखिएका थिए । तर, यस फिल्ममा भने यी दुईले जोडी बाँधेका छन् । यस फिल्ममा रणवीर र आलिया बाहेक कल्की कोच्लिन, कुब्रा साइत र पूजा गुरको पनि अहम भूमिका रहेको छ । यि दुईको यो पहिलो फिल्मले बक्सअफिसमा निकै राम्रो प्रदशन गर्ने बताइएको छ । यि दुवै नै बलिउडका अब्बल दर्जाका कलाकार हुन् ।

यस फिल्म जोया अख्तरको निर्देशनमा बनेको छ । यस फिल्म फेब्रुवरी १४ बाट रिलिज हुँदैछ ।