निर्देशक साम्तेन भुटियाको नयाँ प्रोजेक्टमा चकलेटी ब्वाई आर्यन सिग्देल अनुबन्ध भएका छन् । इमोसनल, थ्रिलर जनराको फिल्म निर्देशन गर्दै आएका साम्तेन पहिलो पटक कमर्शियल फिल्म बनाउन लागेका हुन् । फागुनबाट छायांकन सुरु हुने अनटाइटल प्रोजेक्ट कमेडी जनरामा निर्माण हुने बताइएको छ । साम्तेनले आर्यनभित्र लुकेको एउटा पाटो फिल्ममा देखाउन लागेको बताएका छन् उनी भन्छन्, ुआर्यनलाई प्रायः लभर ब्वाईको भूमिकामा देखिँदै आएको हो । तर, आर्यनको खासै नदेखेको पाटो कमेडी हो, त्यो जुन पनि फिल्ममा निकै थोरै आउँछ । यसमा भरपूर हुनेछ ।

फिल्मको अर्को हप्ता औपचारिक निर्माण घोषणा गर्ने तयारीमा रहेका साम्तेनले हाल स्क्रिप्टमा काम भइरहेको बताएका छन् । फिल्ममा आर्यनको अपोजिटमा नायिका भने फाइनल गरिएको छैन । निर्देशक भुटिया अहिले नायिकाको खोजी रहेका छन् । उनले फिल्ममा हिरोइन नयाँ वा अहिले मार्केटमा चलेका जो पनि हुनसक्ने बताएका छन् । फिल्ममा आर्यनसँगै कलाकार भोलाराज सापकोटा पनि अनुबन्ध भइसकेका छन् ।

किरण दाहाल र सन्देश अर्यालको कथामा आधारित भएर निर्माण हुन लागेको फिल्ममा आर्यनलाई चित्त बुझ्दो पारिश्रमिक दिएर साइन गराएको निर्देशक भुटियाले बताए । उनी निर्देशित नयाँ फिल्म ‘अनागत’ माघ ११ मा रिलिज हुँदैछ । उनको डेब्यु फिल्म ुलेटरु थियो भने गएको वर्ष ुतान्द्रोु रिलिज भएको थियो ।