काठमाडौं । भारतीय फास्ट बलर जसप्रित बुमराह श्रीलंकाविरुद्धको सिरिजमा खेल्ने छैनन् । उनी चोटका कारण सिरिजबाट बाहिरिएका छन् ।

यसअघि श्रीलंका विरुद्धको तीन खेलको शृङ्खलामा समावेश भएका बुमराहलाई बलिङका लागि पूर्ण तयारी गर्न अझै केही समय लाग्ने बीसीसीआईले जनाएको छ ।

बीसीसीआईले भनेको छ, ‘सावधानीका रूपमा यो कदम चालिएको हो ।’ श्रीलंकासँगको पहिलो खेल १० जनवरीमा गुवाहाटीमा हुनेछ ।