काठमाडौं । एउटी महिला रक्सीले मातेर सिंहको खोरमा हाम फालेपछि हिंस्रक जनावरले उनलाई नराम्ररी घाइते बनाएको छ । उसले महिलाको हातको ठूलो भाग खाएको छ। यद्यपी ती महिला जिवितै छन् र उनको अस्पतालमा उपचार भइरहेको छ । यो घटना रुसको चिडियाखानाको हो ।

घटना सीसीटीभीमा कैद भएको छ । यसका केही तस्विरहरु पनि सार्वजनिक भएका छन् । घटना रुसको उसुरिस्कको हो । चिडियाखानाले एक विज्ञप्ति जारी गर्दै महिला नशाको अवस्थामा रहेको बताएको छ । उनले सिंहलाई उक्साइन्। यसपछि सिंहले उनलाई आक्रमण गरी उनको एउटा हात खायो ।

चिडियाखानाबाट बाहिर निकाल्ने क्रममा ती महिला बारबाट हाम फालेकी थिइन् । विज्ञप्तिमा भनिएको छ, ‘त्यसबेला महिला एक्लै थिइन् र सिंह अरिस्टोको खोरमा गइन् ।’ चिडियाखानाले एक विज्ञप्तिमा भनेको छ कि महिला पहिले वरपर हेर्दै थिइन्। त्यसपछि उनले पर्खाल पार गर्ने प्रयास गरिन्। जहाँबाट एक मिटरको दूरीमा साइन बोर्ड थियो, जसमा लेखिएको थियो, ‘बारको अर्को छेउमा नजानुहोस्। यसपछि हाम्रा कर्मचारीहरू चिच्याएर उनको छेउमा पुगे तर महिला रोकिइनन् । सबै कुरा केहि सेकेन्डमा भयो।

विज्ञप्तिमा भनिएको छ, ‘दुर्भाग्यवश उनी पर्खालको धेरै नजिक गएकी थिइन् र सिंहले उनको हात समात्यो । उसले ती महिलालाई खोरभित्रको पर्खालबाट तान्यो । हामीले तुरुन्तै एम्बुलेन्स बोलायौं । अहिले ती महिला अस्पतालमा छन् र डाक्टरहरूले उनको हात बचाउनेछन् भन्ने आशा राखेका छौं।

यस विषयमा फौजदारी अनुसन्धान गरिनेछ। साथै सुरक्षित देखिए पनि मादक पदार्थ सेवन गरेर कतै नजान सर्वसाधारणलाई अनुरोध गरिएको छ ।