काठमाडौं । विश्वकप लिग–२ अन्तर्गत नामिबियाविरुद्धको आज जारी खेलमा नेपाली टिमका कप्तान रोहित पौडेलले पनि अर्धशतक बनाएका हुन् । उनले ४७ बलमा अर्धशतक बनाए ।

यसअघि नेपाली टिमका ब्याटर कुशल भुर्तेलले पनि अर्धशतक बनाएका थिए । उनले ५१ बलमा अर्धशतक बनाएका हुन् । अहिले रोहित र कुशल दुवै अर्धशतकसहित क्रिजमा रहेर खेलिरहेका छन् ।

खेलमा नेपालले २८६ रनको लक्ष्य पाएको छ र अहिले लक्ष्य पच्छ्याउँदै ब्याटिङ गरिरहेको छ । २४ ओभरको खेल सकिँदासम्म नेपालले २ विकेटको क्षतिमा १३७ रन बनाएको छ ।