काठमाडौं । विश्वकप लिग–२ अन्तर्गत नामिबियाविरुद्धको आज जारी खेलमा नेपाली ब्याटर कुशल भुर्तेलले शतक बनाएका छन् । उनले ९९ बलमा शतक बनाएका हुन् ।

खेलमा नेपालले २८६ रनको लक्ष्य पाएको छ र अहिले लक्ष्य पच्छ्याउँदै ब्याटिङ गरिरहेको छ । ४२ ओभरको खेल सकिँदासम्म नेपालले ५ विकेटको क्षतिमा २४० रन बनाएको छ ।

यसअघि टस हारेर ब्याटिङको निम्तो पाएको नामिबियाले निर्धारित ५० ओभरमा अलआउट हुँदै २८५ रन जोडेको हो ।

नामिबियाले माइकल भान लिगेनको १३३ र कप्तान जर्हार्ड इरासमसले ५६ रन जोडेसँगै नेपाललाई २८६ रनको चुनौती दिएको हो ।

नामिबियालाई सस्तैमा समेट्ने प्रयासमा नेपालका लागि करण केसीले ५ विकेट, सन्दीप लामिछानेले ३ तथा सोमपाल कामी र कुशल मल्लले एक एक विकेट लिए।