काठमाडौं । आईपीएलमा मंगलबार अरुण जेटली स्टेडियममा दिल्ली क्यापिटल्स र गुजरात टाइटन्सबीच खेल भएको छ । यो खेलमा दिल्ली क्यापिटल्सका कप्तान ऋषभ पन्त पनि मैदानमा देखा परेका थिए ।

उत्तराखण्डमा सडक दुर्घटनामा परी घाइते भएका ऋषभ पन्तले यस सिजन आईपीएलमा सहभागी हुन पाएका छैनन् । तर, यसका बाबजुद उनी दिल्ली टोलीको सबैभन्दा ठूलो अनुहार हुन् ।

Look who’s here supporting the @DelhiCapitals – RP 17 ??#TATAIPL pic.twitter.com/56Dd0Tw7NE

— IndianPremierLeague (@IPL) April 4, 2023

यही कारणले गर्दा जब उनको अनुहार फिरोजशाह कोटला मैदानमा ठूलो पर्दामा देखाइएको थियो, तब उनलाई चियर्स गर्ने दर्शकको कोलाहल रंगशालामा गुन्जियो ।

सडक दुर्घटनामा घाइते भएका ऋषभ पन्तको शल्यक्रिया गर्नुपर्‍यो र उनी अहिले छिटो निको भइरहेका छन् । यद्यपि उनले यो सिजनमा टिमबाट कुनै खेल खेल्न सक्ने छैनन् ।