काठमाडौँ। केही दिनदेखि टिकटकमा ‘मेसो मिलाएर’ गीत ट्रेन्डिङमा छ। लाखौंले टिकटक भिडियो बनाएको गीतमा संगीत अर्जुन पोखरेल र शब्द दग्गज धौरालीको छ। गीतमा स्वर निशान भट्टराई र अस्मिता अधिकारीले दिएका छन्।

‘मेसो मिलाएर’ गीत डेढ महिना अगाडी ‘द् डिभाइन म्युजिक’मा अपलोड गरिएको थियो। सुरुवाती दिनमा भिडियोमा भ्युज खासै थिएन । तर, टिकटकमा भाइरल भएपछि भने भिडियोको भ्युजि दिन प्रतिदिन बढिरहेको छ। हालसम्म ‘मेसो मिलाएर’लाई युटुवमा साढे ७ लाख बढीले हेरेका छन्।

रोमान्टिक गीतको भिडियोमा राज कटुवाल र श्रद्धा क्षेत्री फिचर्ड छन्। माइकल चन्द निर्देशित गीतको भिडियोलाई उत्सव दहालले खिचेका हुन्।