काठमाडौं । सलमान खानको फिल्म ‘किसी का भाइ किसी की जान’ यो ईदमा बक्स अफिसमा धमाका गर्ने तयारीमा छ । फिल्म रिलिज हुन २ दिन मात्रै बाँकी छ । यसअघि भाइजानले फ्यानलाई ट्रीट दिँदै फिल्मको नयाँ गीत सार्वजनिक गरेका छन् । गीतको नाम ‘लेट्स डान्स छोटु मोटु’ राखिएको छ ।

गीतमा सलमान खानले आफ्नो स्वर दिएका छन् । गीतमा उनी चर्चित नर्सरी राइम्स गाउँदै देखिन्छन् । यो गीत सलमान खान, देवी श्री प्रसाद, नेहा भसिन, यो यो हनी सिंहको स्वरमा रहेको छ । यो यो हनी सिंहले यसअघि पनि शाहरूख खानको फिल्म चेन्नइ एक्सप्रेसको लागि लुंगी डान्स गीत बनाएका थिए ।

‘किसी का भाइ किसकी जान’ को पुरै स्टारकास्ट यस गीतमा देखिएका छन् । सबै साउथ इन्डियन लुकमा छन् । संगीत र गीतमा साउथ टच प्रष्ट देख्नुहुनेछ । हनी सिंह पनि साउथको कलरमा देखिएका छन् । सलमान खानलाई लुंगी लगाएर नाचिरहेको देख्नु फ्यानका लागि ठूलो ट्रीट हो ।

गीतमा डान्सर राघवले आफ्नो किलर मूभ्स देखाएका छन् । भाइजानका फ्यानहरुबाट निकै राम्रो प्रतिक्रिया पाइरहेको छ । यसअघि रिलिज भएका चलचित्रका गीतलाई दर्शकले रुचाएका छन् । ट्रेलर र गीतले दर्शकको कत्तिको माया पाइरहेको छ, फिल्मले बक्स अफिसमा कत्तिको धमाका गर्छ, त्यो हेर्नैपर्छ ।

फिल्म ‘किसी का भाई किसकी जान’ मा सलमान खानको अपोजिटमा पूजा हेगडे देखिनेछिन् । राघव जुयाल, शहनाज गिल, पलक तिवारी, वेंकटेश, भूमिका चावला, जस्सी गिल पनि फिल्मको महत्वपूर्ण भूमिकामा छन् । यो चलचित्र अप्रिल २१ मा हलमा रिलिज हुँदैछ ।