काठमाडौं । अमेरिकाको टेक्सासको एक मलमा एक बन्दुकधारीले गोली हानेर आठ जनाको हत्या गरेका छन् ।

बन्दुकधारीले मानिसमाथि अन्धाधुन्ध गोली चलाएको प्रत्यक्षदर्शीले बताएका छन् ।

एलेन सहरमा रहेको यस मलबाट सुरक्षाकर्मीले सयौं मानिसलाई बाहिर निकालेका छन् ।

बन्दुकधारीलाई गोली प्रहार गरेको प्रहरीले जनाएको छ । बन्दुकधारीले एक्लै यो काम गरेको प्रहरीको अनुमान छ ।

पीडितमध्ये केही बालबालिका पनि रहेको बताइएको छ । अस्पतालमा कम्तीमा सात जनाको उपचार भइरहेको छ, जसमध्ये तीन जनाको अवस्था गम्भीर छ ।

गन वाइलेन्स आर्काइभका अनुसार यो वर्ष अमेरिकामा कम्तीमा १९८ गोलीबारीका घटना भएका छन् जसमा चार वा सोभन्दा बढी व्यक्तिको मृत्यु वा घाइते भएका छन् ।