काठमाडौं । इजरायलले गाजा पट्टीको एउटा अपार्टमेन्टमा बिहीबार बिहान गरेको आक्रमणमा प्यालेस्टिनी इस्लामिक जिहाद (पीआईजे) का शीर्ष कमाण्डर मारिएका छन्।

यस आक्रमणमा अर्का एक जनाको पनि मृत्यु भएको छ । अपार्टमेन्टको पाँचौं तल्लामा लडाकु विमानबाट यो हमला गरिएको थियो ।

बुधवार, गाजा पट्टीका चरमपन्थीहरूले इजरायलमा ४६० रकेट प्रहार गरेका थिए। यसै क्रममा इजरायलले गाजामा रहेका १३० चरमपन्थी अड्डामा पनि आक्रमण गरेको थियो ।

प्यालेस्टिनी चिकित्सा स्रोतहरूले यस हप्ताको लडाईमा कम्तीमा २४ जनाको मृत्यु भएको अनुमान गरेका छन्। जसमा तीन पीआइजेका कमाण्डर पनि पर्छन्।

पीआइजेको सशस्त्र शाखाले मिसाइल इकाईका प्रमुख हसन घली उर्फ ​​अबु मोहम्मदको मृत्यु भएको पुष्टि गरेको छ।

पीआईजे हमासपछिको दोस्रो ठूलो चरमपन्थी संगठन हो र यो संगठनले प्यालेस्टिनीहरूको मृत्युको बदला लिने शपथ लिएको छ।

इजरायलमा पनि गाजाबाट प्रहार गरिएका रकेटका कारण कैयौं व्यक्ति घाइते भएको खबर छ ।