काठमाडौं । दुबईबाट अमृतसर आउँदै गरेको विमानमा एक यात्रुले रक्सी पिएर चालक दलकी महिला सदस्यलाई दुर्व्यवहार गरेका छन् । आरोपी यात्रु पक्राउ परेका छन् ।

आरोपीको पहिचान जालंधरको कोटली गाउँका राजिन्दर सिंहको रूपमा भएको छ। सेक्युरिटी म्यानेजरको उजुरीका आधारमा उनलाई राजासाँसी प्रहरीले पक्राउ गरेको हो । विमान अवतरण गर्ने बित्तिकै यात्रुलाई पक्राउ गरिएको हो । यात्रुले यति धेरै मदिरा सेवन गरेको बताइन्छ कि उनी होसमै थिएनन् ।

यसअघि अलास्का जाँदै गरेको डेल्टा एयरलाइन्सको उडानमा अटेन्डेन्टको घाँटीमा किस गरेर क्याप्टेनको खानाको ट्रे भाँचिदिएको घटना भएको थियो । १० अप्रिलमा मिनेसोटाबाट आएको उक्त उडानमा ६१ वर्षीय प्रथम श्रेणीका यात्रु डेभिड एलेन बर्कले पुरुष फ्लाइट अटेन्डेन्टको घाँटीमा चुम्बन गरेका थिए ।