काठमाडौं । बरिष्ठ गीतकार विजय शिवाकोटीको शब्दमा नयाँ गीत ‘किन किन’ सार्वजनिक भएको छ । गीतमा संगीतकार राजु सिंहले संगीत भरेका छन् । गीतलाई गोपाल रसाइलीले एरेन्ज गरेका हुन् ।

गीतमा पवन विष्ट र प्रविशा अधिकारीले स्वर दिएका छन् । गायक विष्ट स्वयंले गीतको म्युजिक भिडियोमा अभिनय पनि गरेका छन् । उनीबाहेक गीतको म्युजिक भिडियोमा गरिमा शर्मा र सन्तोष बानियाँको पनि अभिनय छ ।

सो गीतको म्युजिक भिडियोको निर्देशन सन्तोष सेनले गरेका हुन् । भिडियोमा महेश पौडेलको सिनेटोग्राफी छ भने सम्पादन र रंग सयोजन कृष्ण भण्डारीले गरेका छन् । गीतलाई नोभिक आर्ट युट्युब च्यानलमार्फत सार्वजनिक गरिएको हो ।