काठमाडौं । हिन्दुजा समूहका अध्यक्ष एसपी हिन्दुजाको लण्डनमा निधन भएको छ । उनी ८७ वर्षका थिए र उनी केही समयदेखि बिरामी थिए ।

चार हिन्दुजा दाजुभाइमध्ये एसपी हिन्दुजा जेठा थिए र उनले बेलायतको नागरिकता लिएका थिए।

हिन्दुजा परिवारका प्रवक्ताले भने, “यो अत्यन्तै दु:खका साथ गोपीचन्द, प्रकाश, अशोक र सम्पूर्ण हिन्दुजा परिवारले आज हाम्रो परिवारका कुलपिता तथा हिन्दुजा समूहका अध्यक्ष एसपी हिन्दुजाको निधन भएको घोषणा गर्दछ।”

हिन्दुजा परिवार बेलायतको सबैभन्दा धनी व्यापारिक घराना मध्ये एक हो । बोफोर्स घोटाला मामिलामा हिन्दुजा ब्रदर्सको नाम पनि आएको थियो ।