काठमाडौं । बालासोर दुर्घटनापछि मध्य प्रदेशको जबलपुरमा मालगाडीका दुईवटा डिब्बा पटरीबाट खसेका छन् ।

रेलवे अधिकारीका अनुसार जबलपुरको शाहपुरा भिटोनीमा एलपीजी बोकेको मालगाडीका दुई डिब्बा पटरीबाट खसेका थिए ।

पश्चिम मध्य रेलवेका सीपीआरओले भने, “हिजो राती एलपीजीले भरिएको मालगाडीका दुईवटा डिब्बा सामान उतार्ने क्रममा पटरीबाट खसेका थिए। घटनापछि रेलको आवतजावतमा कुनै असर परेको छैन । अधिकारीको निगरानीमा बिहानैदेखि मर्मतको काम सुरु भएको थियो ।

यसअघि ओडिशाको बालासोरमा तीनवटा रेल दुर्घटनामा परेका थिए। दुर्घटनामा कम्तीमा २७५ जनाको मृत्यु भएको पुष्टि भएको छ । हाल सीबीआईले यस दुर्घटनाको अनुसन्धान गरिरहेको छ।