काठमाडौं । एक युवक आफ्नी प्रेमिकासँग समुद्र तटमा घुम्न गएका थिए । दम्पती रमाइलो गर्दै मौसमको आनन्द लिइरहेका थिए । उनीहरूको जीवनमा केही बेरमै ‘भयानक संकट’ आउँदैछ, जसले उनीहरूको जीवन नै परिवर्तन गरिन्छ भन्ने उनीहरूलाई कत्ति पनि थाहा थिएन । यो घटनाबाट युवती अझै स्तब्ध छिन् । उनको प्रेमीको मृत्यु भएको छ।

मेट्रो युकेका अनुसार यो मामला ग्रीसको हो। जहाँ बेलायतको लिभरपुलमा बस्ने एक जोडी छुट्टी मनाउन गएका थिए । उनीहरू समुन्द्रको किनारमा हिँडिरहेका थिए । अचानक चट्याङ लागेर युवकको मृत्यु भयो । मृतकको पहिचान स्कट सेडनका रुपमा भएको छ ।

स्कटलाई चट्याङ पर्दा उनकी प्रेमिकाले उनको तस्बिर खिचिरहेको बताइएको छ । उनको आँखा अगाडि स्कटको मृत्यु भयो। दुर्घटना लगत्तै उनलाई अस्पताल पुर्याइएपनि त्यतिन्जेल ढिलो भइसकेको थियो । ‘स्काई डिजास्टर’ ले स्कटको ज्यान लियो र अगाडि उभिएकी प्रेमिकाले यो सबै हेरिरहेकी थिइन्। चाहेर पनि केही गर्न सकिनन् ।

हावाहुरीपछि चट्याङ परेपछि पर्यटकहरू टाउको लुकाउन यता-उता दौडिन थालेको बताइएको छ । तर स्कट पानीमा प्याडल बोर्डिङ गर्दै थिए। त्यही बेला स्कटकी प्रेमिकाले उनको फोटो क्लिक गरिरहेकी थिइन् । केही मानिसहरूले दम्पतीलाई पानीबाट बाहिर आउन आग्रह गरे तर स्कटले सुनेनन्। केही समयपछि चट्याङ पर्यो र सबै सकियो।

जब उद्धार टोली घटनास्थलमा पुग्यो, उनीहरूले स्कटलाई पानीमा लडिरहेको देखे। उनको अनुहारमा केही चोटका निशानहरू थिए। त्यो बेला पनि पानी परिरहेको थियो । जसरी उनलाई बाहिर निकालेर अस्पताल लगिएको थियो, जहाँ उनलाई मृत घोषित गरिएको थियो। यस दु:खद घटनाका सम्बन्धमा बेलायती दूतावासले विज्ञप्ति जारी गर्दै पीडित परिवारको सम्पर्कमा रहेको जनाएको छ ।