काठमाडौं। प्युठानमा स्वर्गद्वारी दर्शन गरेर फर्केका तीर्थयात्री चढेको कार दुर्घटनामा परेको छ।

स्वर्गद्वारी दर्शन गरी फर्किएको लु १ च ६३४५ नम्बर को कार स्वर्गद्वारी नगरपालिका ४ भिंग्री नजिकै भीरबाट तल खसेर दुर्घटना भएको हो। दुर्घटनामा परी आठ जनाको मृत्यु भएको जिल्ला प्रहरी कार्यालय प्युठानका एक प्रहरी जवानले जानकारी दिए।

उनका अनुसार शव अस्पताल लग्ने तयारी भइरहेको छ । कारमा दुई पुरुष, दुई महिला र चार बालबालिका गरी आठ जना सवार थिए। हालसम्म मृतकको पहिचान खुलेको छैन् । घटनाको थप विवरण आउन बाँकी छ ।