काठमाडौं । ग्रीसको दक्षिणी तटमा आप्रवासीहरूले भरिएको डुङ्गा पल्टिँदा ७८ जनाको मृत्यु भएको छ । धेरै मानिस अझै बेपत्ता छन् । अधिकारीहरुका अनुसार डुंगामा कम्तिमा चार सय जना सवार थिए ।

हालसम्म सयभन्दा बढीको उद्धार गरिएको छ भने बाँकीको खोजी कार्य जारी छ । तीव्र समुद्री हावाका कारण उद्धार कार्यमा कठिनाइ भइरहेको छ ।

ग्रीक कोस्ट गार्डले भने कि यात्रुहरूले भरिएको यो डुङ्गा मंगलबार एक निगरानी विमानले देखेको थियो तर त्यसपछि यसमा सवार यात्रुहरूले मद्दत लिन अस्वीकार गरे।

यो डुङ्गा लिबियाबाट इटालीतर्फ गइरहेको थियो ।