काठमाडौं । आर्टिफिसियल इन्टेलिजेन्स अर्थात् एआईको अहिले धेरै चर्चा भइरहेको छ । जसका कारण कतिपय ठाउँमा रोजगारी गुम्ने डर देखाइएको छ भने कतिपय ठाउँमा गलत सूचना र अफवाह फैलाउने खतरा रहेको बताइएको छ ।

कम्प्यूटर आउनुअघि रोजगारी संकटसँग सम्बन्धित हल्ला जसरी चलिरहेको थियो, त्यसरी नै एआईलाई लिएर पनि यस्तै आशंका व्यक्त गरिएको छ । अब उनीहरुको वास्तविकता बाहिर आउन केही समय लाग्न सक्छ । तर, अहिले एआईको व्यवसायसँग जोडिएका कम्पनीहरूको भाग्य फेरिन थालेको छ ।

वास्तवमा, अमेरिकी शेयर बजार एआई व्यवसायसँग सम्बन्धित कम्पनीहरूको शेयर सोमबार ५२-हप्ताको उच्च विन्दुमा पुग्यो। ओरेकलका संस्थापक ल्यारी एलिसनले यसबाट सबैभन्दा बढी फाइदा उठाएका छन्, जो पहिलो पटक विश्वका धनीहरूको सूचीमा बिल गेट्सभन्दा अगाडि छन् ।

ब्लूमबर्ग बिलियनेर्स इन्डेक्सका अनुसार एआईको आधारमा एलिसनले बिल गेट्सलाई पछि पारेका छन् । बिहीबार एलिसन विश्वका धनीहरुको सूचीमा चौथो नम्बरमा पुगेका छन् र उनको कुल सम्पत्ति ५.९२ बिलियन डलरले बढेर १३५ अर्ब डलर पुगेको छ । जबकि बिल गेट्स १३१ अर्ब डलरको कुल सम्पत्तिका साथ यो सूचीमा ५ नम्बरमा झरेका छन् ।

यो वर्ष एलिसनको कुल सम्पत्ति ४३.५ बिलियन डलर र बिल गेट्सको कुल सम्पत्ति २१.९ बिलियन डलरले बढेको छ । एलिसनले २०१४ मा ओरेकलको सीईओको पद छोडे। तर उनले कम्पनी छोडेनन् । त्यसपछि उनी ओरेकलको अध्यक्ष र प्रमुख प्रविधि अधिकारी बने। ओरेकलमा उनको ४२.९ प्रतिशत सेयर छ।

ओरेकलको शेयर यस वर्ष ४२ प्रतिशतले बढेको छ । गत वर्ष कम्पनीले ५० अर्ब डलर आम्दानी गरेको थियो । ओरेकलले एआईमा लगानी गरेर फाइदा पाएको छ। उनले ओपनएआइ को प्रतिस्पर्धी कोहेरेमा लगानी गरेका छन्। एआई स्टकहरू बढ्दै जाँदा एलिसनको कुल सम्पत्ति रकेट गतिमा बढ्यो ।

टेस्लाका सीईओ एलोन मस्क धनीहरूको सूचीमा पहिलो नम्बरमा छन्, जसको कुल सम्पत्ति २३० अर्ब डलर छ। फ्रान्सका बर्नार्ड अर्नाल्ट १९६ अर्ब डलरको सम्पत्तिका साथ दोस्रो नम्बरमा छन् । अमेजनका संस्थापक जेफ बेजोस १५१ अर्ब डलरको कुल सम्पत्तिका साथ विश्वका धनीहरूको सूचीमा तेस्रो नम्बरमा छन् ।

वारेन बफेट ११७ अर्ब डलरसहित छैटौं, स्टिभ बाल्मर ११७ अर्ब डलरसहित सातौं, ११२ अर्ब डलरसहित ल्यारी पेज आठौं, सर्गेइ ब्रिन १०७ अर्ब डलरसहित नवौं र मार्क जुकरबर्ग ९९.७ अर्ब डलरसहित दशौं स्थानमा छन्।