काठमाडौं । अमेरिकी पूर्व राष्ट्रपति डोनाल्ड ट्रम्पले आफ्नै समर्थकलाई धोका दिएका छन् । मंगलबार मियामी अदालतमा उपस्थित भएर फर्कने क्रममा उनी समर्थकहरूसँग क्युबाली रेस्टुरेन्टमा रोकिएका थिए। उनले यहाँका समर्थकहरुलाई दिवा खाजा उपलब्ध गराउने वाचा गरेका थिए । लन्च भयो, तर ट्रम्प बिल नतिरिकन गए। पछि यो पैसा उनका समर्थकले दिनुपर्यो । अब ट्रम्पका कर्मचारीले समर्थकले खर्च गरेको पैसा पछि फिर्ता हुने बताएका छन् ।

‘न्यूयोर्क पोस्ट’को रिपोर्ट अनुसार गोप्य कागजात राखेको मामिलामा ट्रम्प मंगलबार मियामी अदालतमा हाजिर भएका थिए । अदालतबाहिर उनका सयौं समर्थक उपस्थित थिए । अदालतबाट बाहिरिएपछि ट्रम्प र उनका समर्थकहरुको जमात ‘लिटिल हवाना’ रेष्टुरेन्ट अगाडि रोकेका थिए । पूर्वराष्ट्रपतिले यहाँ सबैले खाना खाने वाचा गरे । यसका लागि उनका शब्दहरू थिए- सबैका लागि खाना।

भोलिपल्ट उनको जन्मदिन पनि थियो । त्यसैले, त्यहाँ पनि उत्सव थियो। मानिसहरूले ७७ वर्षीय ट्रम्पलाई शुभकामना दिए र सबैले केही खाए। मियामी न्यु टाइम्सका अनुसार यसपछि ट्रम्प बिल नतिरिकन गएका थिए । लिटिल हवाना प्रायः आफ्नो देश छोडेर अमेरिकामा शरणार्थी भएका क्युवाली नागरिकहरूले भ्रमण गर्छन्। तर, यो यस्तो प्रसिद्ध रेस्टुरेन्ट हो र यहाँ धेरै देशका पर्यटकहरु लञ्च वा डिनरको लागि पनि आउँछन् ।

अमेरिकी मिडियामा ट्रम्पसँग सम्बन्धित यो रिपोर्ट प्रकाशित हुनासाथ ट्रम्पका प्रवक्ताले सफाइ दिएका छन् । उनले भने- त्यस दिन पूर्वराष्ट्रपति निकै खुसी थिए । जनताले उनलाई खुलेर स्वागत गरे । उनले सबैलाई खाजा खान आग्रह गरे तर ट्रम्प चाँडै गए र अरूले उनलाई पछ्याए। यी मानिसहरूले खानाको लागि कुनै अर्डर दिएका थिएनन्।

प्रवक्ताले थप भने– पूर्वराष्ट्रपतिको प्रचारप्रसार टोलीले बिल तिरेको थियो । मलाई लाग्दैन कि त्यहाँ कुनै बिल बाँकी छ। ट्रम्प फेरि यहाँ आउनेछन्। जसले खल्तीबाट बिल तिरेका छन्, उनीहरूलाई पैसा फिर्ता गरिनेछ। चाखलाग्दो कुरा के छ भने घटनाबारे रेष्टुरेन्टका म्यानेजरलाई सोध्दा उनले केही भन्न मानेनन् । तर, ट्रम्पको यस्तो व्यवहारमा कतिपयले औंला उठाइरहेका छन् ।