काठमाडौँ । गीतकार हिरा काजी थापाको शब्दमा तयार हेर्दा हेर्दै अन्माएर बोलको प्रेम र विरहले भरिएको गीतको भिडियो सार्वजनिक गरिएको छ । गायक गोपाल सोनामको स्वर रहेको सार्वजनिक गीतमा ओम सुनारको एरेन्ज तथा संगीत रहेको छ। जसमा आफूलाई भन्दा बढी माया गरेकी प्रेमीकाले धोका दिएर पराईसँग विबाह गएको दृश्यले धेरैको मन छुन्छ।

प्रेम, रोमान्स र विरहले भरिएको सार्वजनिक गीतको भिडियोमा पछिल्लो पुस्ताका लोकप्रिय मोडलद्धय बिजय पुन मगर र सोनी ढुंगानाको अभिनय रहेको छ । लामो समयको बेलायत बसाईपछि करिब ३ महिनाको नेपाल बसाईका क्रममा गीतकार थापाले आफ्नै निर्देशनमा तयार पारेको भिडियो हो हेर्दा हेर्दै अन्माएर । भिडियो रिलिज गरेसँगै राम्रो प्रतिक्रिया आइरहेको निर्देशक तथा गीतकार थापा बताउँछन्।

बेलायतबाट भर्चुअल माध्यमबाट करिब दर्जन बढी भिडियो निर्देशन गरिसकेका निर्देशक थापा नेपालमा नै आएको समयमा निरन्तर भिडियो निर्देशनलाई निरन्तरता दिइरहेका बेला  हेर्दा हेर्दै अन्माएर बोलको गीतको भिडियो बजारमा आएको हो। जसमा देव दोर्जे लामाको छायांकन, साजन शाहको मिक्सिङ  मास्टरिङ  तथा नबिन निरौलाको कलर तथा सम्पादन रहेको छ।

नृत्य निर्देशक प्रमोद भण्डारी सल्लाहकार रहेको सार्वजनीक गीतको भिडियो गीतकार तथा निर्माता एवंम निर्देशक थापाकै अफिसियल च्यानलबाट बजारमा बजारमा आएको हो।

हेर्नुहोस् प्रेम, रोमान्स र विरहले भरिएको यो मनछुने गीतको भिडियो