काठमाडौं । ताइवानले भारतसँगको सम्बन्धलाई प्रगाढ बनाउन चेन्नईपछि मुम्बईमा ताइपेई इकोनोमिक एण्ड कल्चरल सेन्टर खोल्ने निर्णय गरेको छ ।

हालैका वर्षहरूमा ताइवान र भारतबीच व्यापार, अर्थतन्त्रदेखि शिक्षा र महत्वपूर्ण आपूर्ति श्रृंखलासम्मका सबै क्षेत्रमा सहयोग बढेको छ।

ताइपेई इकोनोमिक एण्ड कल्चरल सेन्टरलाई भारतमा ताइवानको दूतावास जस्तै मानिन्छ।

यसअघि सन् २०१२ मा चेन्नईमा पहिलोपटक यस्तो केन्द्र खोलिएको थियो, त्यसपछि ताइवानको करिब ६० प्रतिशत लगानी दक्षिण भारतमा भएको थियो।

यस संस्थाका प्रवक्ताले मुम्बईमा केन्द्र खोल्दा पश्चिम भारतमा पनि लगानीको अवसर सिर्जना हुने अपेक्षा गरिएको छ ।

यस केन्द्रले भिसा देखि कागजात प्रमाणीकरण र आपतकालीन सहायता प्रदान गर्ने सेवाहरू प्रदान गर्नेछ।